زغلول لطيف يا عريف
نحكي لك و افهم
في سن الورد والربيع باهي الأوصاف
مغرور بريشه الطريف
جاني متخاصم
سل سيفه قال لي عندي خلاف
أوقف إذا أنت شريف
من أهل الخاتم
وريلي واين واصلاتك قوة الأكتاف
جاوبت أنا وقلت كيف؟
ماجي نتكلم
بكلام الغيظ واش هذه الغضبة و الزعاف؟
يحسبو كل شي خطيف
غير أجي وازدم
واللي يبقى مع التوال قالو زعاف
سبحان الله يا لطيف
أنت اللي تعلم
كاين شي ناس من استحاهم يقولوا خاف
ما هي شي جابها النيف
كي جيت محزم
هذي غيرة مرزمة و حسودي بزاف
ظنيتك صاحبي حليف
بي تتزعم
و ترن هييتلي مطامر تدي للكاف
حتى و إذا أنت سخيف
من حقك تحشم
تعرفني قاطع البحور وجاي لارياف
يحسبو كل شي خطيف
غير أجي وازدم
واللي يبقى مع التوال قالو زعاف
سبحان الله يا لطيف
أنت اللي تعلم
كاين شي ناس من استحاهم يقولوا خاف
عساك أنت اللي قصيف
للدنيا قادم
مثلك ما عاش ما زهى واش اللي شاف؟
اللي زغلول ما يليف
ورشان معلم
قادر يرحيه في حروف ألها لام و كاف (هلك)
يحسبو كل شي خطيف
غير أجي وازدم
واللي يبقى مع التوال قالو زعاف
سبحان الله يا لطيف
أنت اللي تعلم
كاين شي ناس من استحاهم يقولوا خاف
مرقوم الريش يا رهيف
أرجع لا تندم
عندك منقار ما يحارب و جناح ضعاف
أترك الحديث العنيف
ما هوش موالم
و أترك عليك لغة الغتبة و التشناف
ياذ الزغلول يا نحيف
أرجع للمرسم
واللي بعثوك قل لهم ماهمش ظراف
يحسبو كل شي خطيف
غير أجي وازدم
واللي يبقى مع التوال قالو زعاف
سبحان الله يا لطيف
أنت اللي تعلم
كاين شي ناس من استحاهم إقولوا خاف
كاين اللي يجي بسيف
يبدأ يتزعم
و يقول أنا غير أنا ما كانش خلاف
خصوص إذا أنت سعيف
تسكت و تسلم
ترجع في حينها حلاسة و إلا نشاف
يحسبو كل شي خطيف
غير أجي وازدم
واللي يبقى مع التوال قالو زعاف
سبحان الله يا لطيف
أنت اللي تعلم
كاين شي ناس من استحاهم إقولوا خاف
كاين اللي يجي لهيف
بنيابه يهضم
مارواته ميات صحفة و ألف غراف
باغي كرسي من الصديف
و كنوز العالم
اللويز و الماس و الفضاضي من كل أصناف
